"कॅशसाठी ग्राहकांना वणवण फिरवाल; तर मनसे स्टाईलने चांगलाच धडा शिकाल!"

'डिजिटल इंडिया'च्या धोरणाला हरताळ! देशाचे पंतप्रधान नरेंद्र मोदी यांनी “डिजिटल इंडिया” आणि “कॅशलेस इंडिया” मोहिमेअंतर्गत नागरिकांना जास्तीत जास्त व्यवहार ऑनलाईन पद्धतीने करण्याचे आवाहन केले आहे. शासन स्तरावर UPI, QR Code आणि ऑनलाईन बँकिंग यांसारख्या सुविधा मोठ्या प्रमाणावर उपलब्ध आहेत. मात्र, जळगाव जिल्ह्यातील पेट्रोल पंप चालक शासनाच्या या डिजिटल धोरणालाच हरताळ फासत असल्याचे चित्र आहे. 📊

तासनतास रांगेत उभे राहिल्यानंतर अचानक “फक्त कॅश (रोख रक्कम) द्या” अशी अट पंप चालकांकडून घातली जाते. यामुळे ग्राहकांना इंधन सोडून पुन्हा एटीएम शोधण्यासाठी धावाधाव करावी लागत आहे. अनेकदा पैसे न मिळाल्यामुळे ग्राहकांना इंधन न घेताच मनस्ताप सहन करत रिकाम्या हाताने परत जावे लागत आहे. 🚗

दुसरीकडे, शेतकरी बांधवांनाही पेट्रोल पंप चालकांच्या मनमानी कारभाराचा मोठा फटका बसत आहे. शेतीसाठी लागणारे पाण्याचे पंप, जनरेटर, फवारणी यंत्रे आणि पॉवर टिलर यांसारखी अवजारे थेट पेट्रोल पंपावर आणणे शक्य नसते. असे असतानाही काही पेट्रोल पंप चालक शेतकऱ्यांना कॅन किंवा डब्यात पेट्रोल-डिझेल देण्यास साफ टाळाटाळ करत आहेत. यामुळे ऐन हंगामात शेतकऱ्यांची शेतीकामे खोळंबली असून त्यांचे मोठे आर्थिक नुकसान होत आहे. 🌾

📌 मनसेच्या प्रमुख ५ मागण्या:
मनसेच्या शिष्टमंडळाने जिल्हा पुरवठा अधिकाऱ्यांकडे खालील मागण्यांचे निवेदन सादर केले आहे:
ऑनलाईन पेमेंटची सक्ती: जिल्ह्यातील सर्व पेट्रोल पंपांवर UPI, QR Code आणि कार्ड पेमेंट सक्तीने स्वीकारण्याबाबत स्पष्ट आदेश देण्यात यावेत.
दोषी पंपांवर कारवाई: ऑनलाईन पेमेंट नाकारणाऱ्या पेट्रोल पंप चालकांवर तातडीने कडक कायदेशीर कारवाई करण्यात यावी.
विशेष नियंत्रण पथक: पेट्रोल-डिझेल टंचाईच्या काळात नागरिकांना अनावश्यक त्रास होणार नाही, यासाठी प्रशासनाने विशेष नियंत्रण ठेवावे.
शेतकऱ्यांना सवलत: शेतकरी बांधवांना त्यांच्या शेती अवजारांसाठी डब्यात/कॅनमध्ये इंधन देण्याबाबत सर्व पेट्रोल पंपांना स्पष्ट सूचना द्याव्यात.
माहिती फलक लावणे: प्रत्येक पेट्रोल पंपावर “ऑनलाईन पेमेंट उपलब्ध आहे” असे फलक लावणे बंधनकारक करण्यात यावे. 📝

📈 पुरवठा अधिकाऱ्यांचे तात्काळ कारवाईचे आश्वासन

मनसेच्या या आक्रमक भूमिकेनंतर जिल्हा पुरवठा अधिकारी महेश चौधरी यांनी सकारात्मक प्रतिसाद दिला. नागरिकांची आणि शेतकऱ्यांची होणारी अडवणूक खपवून घेतली जाणार नाही, असे सांगत त्यांनी "या प्रकरणी मी तात्काळ कारवाईचे आदेशाचे पत्र काढतो" असे लेखी आश्वासन मनसेच्या शिष्टमंडळाला दिले. 📝

👥 मनसे पदाधिकारी

या आंदोलनाप्रसंगी मनसेचे उप महानगराध्यक्ष श्रीकृष्ण मेंगडे, ॲड. जमील देशपांडे, ललित शर्मा, राजेंद्र निकम, प्रकाश जोशी, महिला शाखाध्यक्ष अनिता कापुरे, लक्ष्मी बिल, राहुल चव्हाण, राजेश मराठे, बादशहा शहा, अमजित खाटीक, दीपक राठोड, महेंद्र सपकाळे यांच्यासह असंख्य महाराष्ट्र सैनिक मोठ्या संख्येने उपस्थित होते. 🌟